Првиот чекор за враќање на ДДВ е да се анализира можноста за поврат на ДДВ врз основа на испорака на документацијата од клиентот. Постапката на вракање на ДДВ, вклучува многу различни процедури кои вклучуваат: скрининг и анализа на постоечката документација, изборот на валидни документи, директна консултација со клиентот, создавање и поднесување барања, итн.

Клиенти немаат никакви финансиски или други трошоци за нас, додека не се добие одобрение за позитивно решени барања за враќање на средствата. За извршување на враќање на ДДВ неопходни се: оригинални фактури (по можност во името на компанијата), потврда од УЈП дека компанијата е во системот на ДДВ, како и други потребни документи пропишани од страна на даночните администрации на земјите од каде што се бараат рефундирање на ДДВ. Македонските компании можат да извршат враќање на ДДВ од Австрија, Белгија, Босна и Херцеговина, Црна Гора, Данска, Финска, Франција, Ирска, Исланд, Луксембург, Малта, Монако, Германија, Холандија, Норвешка, Словенија, Србија, Шведска, Швајцарија и Обединетото Кралство.

Барањата за враќање на ДДВ од повеќето држави на ЕУ и регионот( екс ЈУ )треба да бидат доставени не подоцна од истекот на 6 месеци од претходната година. Затоа крајниот рок за поднесување на барање за враќање на ДДВ од претходната година, во поголемиот дел од државите е 30-ти јуни.Исклучок е Велика Британија, во која за клиенти надвор од ЕУ за поднесување на барање се сметаат фактури издадени од 01. 07. до 30. 06. во тековната година, а тоа значи за поднесување на фактури издадени во периодот од 01. 07. од претходната година заклучно со 30.06. тековната година - краен рок е 31. 12. од тековната година.

Исклучок е Холандија каде што условите за наплата се поднесува назад (ретроактивно) во изминатите 5 години.

Некои држави дозволуваат последователни доставување на барања во текот на календарската година (квартални или полугодишно), а помал број на држави предвидува поднесување на апликации само по истекот на календарската година.